“TIQXMMI” MTUning Qarshi Irrigatsiya va Agrotexnologiyalar institutiga fizika – matematika fanlari doktori, Butunjahon Fanlari akademiyasi (TWAS) hamda O'zbekiston fanlar akademiyasi akademigi Roziqov O’tkir Abdulloyevich tashrif buyurdi. Tashrif davomida Akademik va yoshlar uchrashuvi tashkil etildi. Suhbat davomida akademik O’.Roziqov o’zining ilmiy sohadagi tajribalari, yosh olimlar oldida turgan zamonaviy ilmiy masalalar hamda ularning yechimlari haqida fikr – mulohazalari bilan o’rtoqlashdi. Uchrashuv juda samimiy, mazmunli hamda savol – javoblarga boy bo’ldi. Eng quvonarlisi institutimizda o’tkazilgan Fizika – Matematika fan olimpiadasi g’olib talabalari akademik O’.Roziqov tomonidan diplom va esdalik sovg’alar bilan taqdirlanish sharafiga muyassar bo’ldilar.