14—Mart kuni V.I.Romanovskiy nomidagi Matematika instituti va Mirzo Ulug‘bek nomidagi O‘zbekiston Milliy Universiteti hamkorligida professor-olimlar va yosh matematiklar ishtirokida O‘zbekiston Matematika jamiyatining “Xalqaro Matematika kuni (Pi-Day)”ga bag‘ishlangan tadbiri bo‘lib o‘tdi. Tadbir davomida Matematikaning hayotdagi o'rni va tadbiqlariga bag'ishlangan ilmiy-ommabop ma'ruzalar qilindi. Yoshlarni ilmga yanada kengroq jalb qilish va qiziqtirish uchun suhbatlar o'tkazildi. Tadbirda Eron Matematika Jamiyati prezidenti Mohammad Sal Moslehian ishtirok etib matematikaning fan va ta'limdagi o'rni haqida o'z fikr mulohazalari bilan o'rtoqlashdi. Tadbir so'ngida o'tgan bir yil davomida matematika sohasida turli yutuqlarga erishgan talabalar O'zbekiston Matematika jamiyatining diplom va sertifikatlari bilan taqdirlandi.